عامر آپ کیلئے نامحرم، آپ کو بولنے کا کوئی حق نہیں، خلع کے بیان پر دانیہ کی بشریٰ پر تنقید
عامر لیاقت کی تیسری اہلیہ دانیہ ملک نے اُن کی سابقہ اہلیہ بشریٰ اقبال کی جانب سے خلع کے بیان پر ردعمل دیا اور انہیں سخت تنقید کا نشانہ بھی بنایا ہے۔ دانیہ
ملک نے اپنے انسٹا گرام اکاؤنٹ کی اسٹوری میں جاری کیے گئے بیان میں کہا ہے کہ بشریٰ بی بی میڈیا کے سامنے جو بول رہی ہیںکہ مجھے طلاق ہو گئی ہے تو یہ سب جھوٹ ہے۔ دانیہ نے کہا کہ مجھے تو کسی انسان پر بات کرنے سے پہلے اللّٰہ پاک کی ذات سے ڈر لگتا ہے، آپ اپنے اندر جھانک کر دیکھ لیں، اتنے بڑے بڑے جھوٹ بول رہی ہیں، کچھ تو خدا کا خوف کریں۔ دانیہ نے کہا ہے کہ آپ عامر لیاقت سے طلاق لے چکی ہیں لہٰذا آپ کو کوئی حق نہیں کہ آپ اُن کے معاملات میں بولیں، آپ کے لیے وہ نامحرم ہیں۔ انسٹاگرام کی اگلی اسٹوری میں دانیہ نے کہا کہ محترمہ بشریٰ صاحبہ! اللّٰہ تعالیٰ کا کیمرہ صرف ہمیں نہیں بلکہ تمہیں بھی دیکھ رہا ہے۔ واضح رہے کہ دانیہ ملک نے اعلان کیا تھا کہ عامر لیاقت کی زندگی میں ان سے صلح ہوگئی تھی جبکہ بشریٰ اقبال نے ان دعوؤں کی تردید کرتے ہوئے کہا تھا کہ ان کے پاس ثبوت ہیں کہ دانیہ عامر لیاقت سے خلع لے چکی تھی۔دوسری جانب ڈاکٹر عامر لیاقت کے پوسٹ مارٹم کے حوالے سے بھی عدالت سے خبر آئیگی ہے۔ کراچی کی سیشن کورٹ شرقی نے عامر لیاقت کا پوسٹ مارٹم کرانے کے فیصلے پر حکم امتناع جاری کردیا۔سیشن جج شرقی کی عدالت میں عامر لیاقت کاپوسٹ مارٹم کرانے کے فیصلے کے خلاف دائر اپیل کی سماعت ہوئی۔ عدالت نے درخواست گزار کے وکیل ضیا اعوان کے دلائل سننے کے بعد جوڈیشل مجسٹریٹ شرقی کے پوسٹ مارٹم کرانے کے فیصلے پر حکم امتناع جاری کردیا۔عدالت نے درخواست دائر کرنے والے شہری عبد الاحد اور جوڈیشل مجسٹریٹ شرقی کو نوٹس جاری کرتے ہوئے 11 اگست تک جواب طلب کرلیا۔میڈیا سے گفتگو کرتے ہوئے عامر لیاقت کی سابق اہلیہ بشریٰ اقبال کا کہنا تھا کہ شرعی طور پر دانیہ شاہ کو خلع ہوچکی ہے۔
