سیف علی خان نے اپنی بہن سوہا علی کو یہ مشورہ کیوں دیا تھا ؟
بھارت کے نواب خاندان سے تعلق رکھنے والے بالی ووڈ اداکار سیف علی خان کی بہن اور اداکارہ سوہا علی خان نے انکشاف کرتے ہوئے کہا ہے کہ اُن کے بھائی نے
اُنہیں 40 سال کی عُمر تک شادی نہ کرنے کا مشورہ دیا تھا۔بھارتی میڈیا رپورٹس کے مطابق سوہا علی خاننے اپنی شادی سے کچھ سال قبل دیے گئے ایک انٹرویو میں کہا تھا کہ ’اُن کی والدہ چاہتی ہیں وہ جلدی شادی کرلیں۔‘سوہا علی خان نے کہا تھا کہ ’میری والدہ مجھے ہر روز کہتی ہیں کہ مجھے شادی کرلینی چاہیے اور اگر میں اُن کے مشورے پر چلتی تو اب تک میرے 20 بچے ہوجانے تھے۔‘اداکارہ نے کہا کہ ’وہ مجھے ہر وقت کہتی ہیں کہ شادی کرو، شادی کرو لیکن میری اس معاملے پر دلچسپی ظاہر نہ کرنے پر والدہ نے تنگ آکر کہہ دیا کہ جو دل کرے تُم وہ کرو۔‘دوسری جانب سوہا علی خان نے اپنے بھائی کے حوالے سے گفتگو کرتے ہوئے کہا کہ ’بھائی نے کہا ہے کہ 40 سال کی عُمر میں شادی کرنا کیونکہ شادی ایک سنجیدہ فیصلہ ہے، اس میں جلد بازی کرنا درست نہیں۔‘سوہا علی خان نے کہا کہ ’بھائی نے کہا، شادی کے لیے 40 سال کی عُمر بالکل ٹھیک ہے کیونکہ آپ اس عُمر میں سمجھدار ہوتے ہیں لہٰذا آپ بھی 40 سال کی عُمر میں ہی شادی کرنا۔‘ واضح رہے کہ اس انٹرویو کے وقت سوہا اور ان کے شوہر کنال کیمو کے درمیان قریبی تعلقات قائم تھے۔ وہ 2009ء میں فلم ’ڈھونڈتے رہ جاؤ گے‘ کے سیٹ پر ملے تھے اور 2015ء میں شادی کے بندھن میں بندھے تھے، 2017ء میں اُن کے ہاں بیٹی کی پیدائش ہوئی تھی۔
